Imqar Jekk Ftit Ftit.

 

Imqar jekk ftit ftit wasalna f’tarf it-triq

Jien nibqa’ hawnhekk stordut

Għax noħlom il-ġenna tal-art

Fuq din l-art ta’ ħafna ħrejjef.

Jien nibqa’ nemmen

Li hemm xi moħba x’imkien

Malli ddur il-knatuniera

Malli jmur iċ-ċpar

U li s-sabiħ għad irid jiġi.

 

Jien nibqa’ nistenna t-tieni miġja

Jew il-qawma mill-imwiet

Jew it-trasfigurazzjoni

Trapass minn ġenb għall-ieħor

Ta din ix-xmara

Biex b’hekk qatt ma nirfes fuq l-art

Li wellditni u għaġnitni

Bit-tafal tagħha.

 

Imbagħad għadjiġi wkoll iż-żmien li ngħid:

Qatt ma kont hawn.

 

Alfred Grech

23/09/2020.