Mhemmx.

 

M’hemmx li nibda nerġa’ nara kollox sabiħ

U l-pinna tlaħħaq mal-ġiri tal-ħsieb

U nerġa’ għal għandek niġi

Għax sirt isbaħ milli kont

U ħajjti terġa’ ġġedded

Għaliex minn bejn l-imwiet mill-ġdid jien qomt.

 

Mhemmx li nerġa’ niġi f’dawk l-inħawi

Li fihom kont għal kemm il-darba

U nsib li għadhom bla mittiefsa

U nerġa’ nħoss it-tqanqiliet

Li kont ħassejt mal-ewwel ħarba.

 

Mhemmx li nieqaf hawn u nibda

Nemmen li dat-toqol mhuwiex tiegħi

Inkella li mhux jien kont li ġarrejtu.

 

Mhemmx li nerġa’ nżur il-ħolma li ħlomna

Fit-toroq fejn trabbejna

U jibqa’ mnaqqax biss bħal f’xi tifkira.

 

Mhemmx li din tkun poeżija

Bħall- ħajja li jien għext

Bħas-sħab li jieħu l-għamla li tistħajjel.

 

Alfred Grech

25/09/2020.