Oqgħod Hemm.

 

Oqgħod hemm fejn hemm id-dawl

Hawnhekk hawn dwejjaq primordjali

Xewqat il-mewt

Fejn jiżżerżqu d-dinosawri

U jaħilfu d-draguni

U kulħad miżmum b’ilsir.

 

Oqgħod hemm, hawnhekk mhux postok

Hawnhekk kollox inkullat

Ma dak li jaqbel lilhom

Huma, li jippużaw ta’ salvaturi

Huma li qatt ma jiċċapsu.

 

Għax jiena u int għad nimbarkaw

U ma nsibu ’l-ħadd jarana

Fid-dawl ta’ qamar

Fid-dlam il-lejl

Filwaqt li mal-ħġieġ tat-tieqa

l-insetti mifxula

mid-dawl li jgħammex

id-dawl tas-salvazzjoni.

 

Alfred Grech

19/09/2020

Comments

Post a Comment

Popular posts from this blog

Image
  Ikkalpestat Il-Ħsieb.   Ikkalpestat il- ħ sieb   u ma ristax i żż ommu . Il-fil inkandexxenti jaqsam sal-mudullum murtal tal-ftuħ għanjieti tikser is-skiet tal-lejl. Ma nafx kif għad irridu naslu fid-dlam l-aqwa li hemm il-beraħ tistenna li tirkeb il-mewġa li jmiss mhemmx ħtieġa ta’ simmetrija ta’ sbuħija għax ix-xatt qatt mhu fil-qrib jew tħalli l-mewġa tgħaddi u ssalva xorta waħda.   Alfred Grech 10/06/2021.    
Read more
Image
  Intom Li Tibżgħu Minna.   Intom li tibżgħu minna Għax aħna l-misħutin Għaliex fil-kwadru tagħkom M’aħniex mal-magħżulin.   Intom li fil-qdusija Żgur ma jgħaddikom ħadd, Għidulna ftit xi ħsara Jagħmlilkom dak kuntatt?   Għidulna x’tafu fuqna Fejn morna aħna żmerċ, Jew kif qiegħdin narawha Ħajjitna marret żmerċ.   Alfred Grech 07/05/2023.    
Read more
Image
  Kardinal.   U tista’ tilbes l-aħmar il-ħin kollu U ma tkun xejn għajr prinċep bħall-oħrajn U tibqa’ għaddej għax taħseb li ħadd bħalek U tinsa l-inti ukoll magħmul mit-tajn.   U tista’ titla’ wkoll fuq il-bradella, U tgħid u tagħmel ħafna għeġubijiet. U tħoll bħal silġa ’l-kull min qed jisimgħek U taf li dan duħħan xħin tkun fis-skiet.   U tista’ tagħmel naqxa bik innifsek U taħseb li b’hekk tkun sirt int qaddis In-nies tgħollik; tintefaħ bik innifsek U ma jkun xejn għajr kobba bit-tqasqis.   Alfred Grech 11/12/2020.
Read more