Ma Rridx.

 

Ma rridx nimbela mil-vortiġ’ni

Inkella noqgħod ixxamplat

Ma rridx tmellis u lanqas ħlewwa

Biex b’hekk nissejjaħ ixxurtjat.

 

U jgħidu: fl-aħħar dak inġabar,

U fl-aħħar sab kappell jiġih;

Sab min iħobbu u jieħu ħsiebu

Tixraqlu ħlejjqa tgħodd għalih.

 

Ma rridx li jkolli għaliex nitlaq

Min-nar tal-kamp f’xi nofs ta’ lejl,

Għax naf li hemm min jistennieni

Imqar ikun dan ħmar il-lejl.

 

Alfred Grech

16/10/2020.