Tgħid Xejn.

 

Tgħid xejn

Aħjar ma titkellimx

Kull kelma li toħroġ mill-qaws

Stallet li jiftaħ ġerħa

Inkella splużżjoni li tagħmel

Kraterju f’wiċċ il-qamar.

 

Tgħid xejn

Għax mhux il-waqt li tiftaħ ħalqek

Ma tmurx min-nagħas tqajjimhom

Tikfilhom l-illużjoni

Għax min jismgħek m’hawnx

Jew min il-widnejn għandu issa ttarrax

Inkella tgħid xi tgħid

Mhux jagħtu kasek.

 

Tgħid xejn

Għaliex għalxejn li tgħid

Inkella jekk trid tgħid

Qis li twerżaq twerżieqa

Mimlija rabja

Ta min iħares qiegħed

U xejn ma jista’ jara.

 

Tgħid xejn

Għaliex kull ma tgħid

Jinġieb jista’ b’xhieda kontra tiegħek

Minn dawk kollha li għandhom prezz

Mill ġemgħa li xejn ma fehemet

U tinsaq tħalliet minn imneħirha.

 

Alfred Grech

1710/2020.