158.

 

Il-ħolqien tiegħi għandu minn tal-beraq,

Iroxx qtar id-dmugħ, jonfoħ fwar il-għaraq

Fi-terrimot li jgħeżżeż bla ma jġarraf

Biex tieqaf ftit u tidħol ġo qoxortok.

Il-ħolqien tiegħi tqil, tqil wisq biex terfgħu

Imwieżen fuq il-krozzi biex jitħarrek,

Minn qiegħ l-abbiss tal-baħħ araħ jirxoxta

Biex ma l-oħrajn jitmiegħek u jistgħadar.

Bħal meta qalbek teħber, u int bla sabar

Tkun trid minn ġismek toħroġ u tittajjar

Biex tislet mill-qawsalla lewn minn tagħha

U terġa’ mal-bnedmin bil-ferħ li tħabbar:

Ferħan għax tad-divin għollejt il-velu

U mort lilhinn mix-xefaq u rġajt lura.

 

Alfred Grech

27/11/2020