Jista’ Jkun.

 

Jista’ jkun hemm sinjali li għandi nagħraf

U nagħrfu jien miniex

Għax l’ebda triq mhu qed twasalni sa ħdejk

Nittama biss li jekk inġorr din it-tifkira

Xi darba għad nista’ nasal għandek.

Għidli xi tridni nkun u jien insir

Għidli xi tridni ngħidlek u jien ngħidulek

Għidli xi tridni nagħmel u jiena nagħmlu

M’hemm ebda qadi li ma nagħmilx

Mhemm ebda ħila li ma nitgħallimx

Jien nista’ nintilef mingħajrek

Imm’inti ħdejja ma tkun qatt

U huwa ż-żmien li jżommna mbiegħda

Mhux id-distanzi

Għax meta kont qiegħda hawn

Jien mank tajt kasek.

Imbagħad nistaqsu għaliex m’aħniex nitjellmu

Għax xejn m’hawn sewwa ġo dan il-kwadru.

 

Alfred Grech

11/11/2020.

Comments

Post a Comment

Popular posts from this blog

Image
  F’Baħar Miftuħ.   F’baħar miftuħ ninġarru mal-kurrenti U nerġa’ nistaqsik: Minn fejn int ġejja? Bis-seħer nieżel għasel ġewwa sidri, Tifkira ta’ lejl li qatt ma jispiċċa.   U nerġa nistaqsik: Minn fejn int ġejja, Sultana li titfaċċa max-xemx tiela’, Tifkira ta’ lejl li qatt ma jispiċċa F’kunċert ta’ ħsibijiet li jġibek lura.   Sultana li titfaċċa max-xemx tiela’, Fuq xatt ir-ramel aktar mix-xemx jaħraq, F’kunċert ta’ ħsibijiet li jġibek lura, Inwaqqgħu swar li bnejt bit-tentazzjoni.   Fuq xatt ir-ramel aktar mix-xemx jaħraq, Għajnejna jiġġerrew lilhinn mix-xefaq, Inwaqqgħu swar li bnejt bit-tentazzjoni, Għad-dell ta’ xi żebbuġa tmil bit-tqala.   Għajnejna jiġġerrew lilhinn mix-xefaq, Ifittxu qtar in-nida tal-imħabba, Għad-dell ta’ xi żebbuġa tmil bit-tqala, Fejn kellna wileġ sħiħ sabiex noħolmu.   Alfred Grech 05/06/2023    
Read more
Image
  Kardinal.   U tista’ tilbes l-aħmar il-ħin kollu U ma tkun xejn għajr prinċep bħall-oħrajn U tibqa’ għaddej għax taħseb li ħadd bħalek U tinsa l-inti ukoll magħmul mit-tajn.   U tista’ titla’ wkoll fuq il-bradella, U tgħid u tagħmel ħafna għeġubijiet. U tħoll bħal silġa ’l-kull min qed jisimgħek U taf li dan duħħan xħin tkun fis-skiet.   U tista’ tagħmel naqxa bik innifsek U taħseb li b’hekk tkun sirt int qaddis In-nies tgħollik; tintefaħ bik innifsek U ma jkun xejn għajr kobba bit-tqasqis.   Alfred Grech 11/12/2020.
Read more
Image
  Il-Bogħod Qarribna.   Issa, li sirt il-mostru li kont noħlom Il-ħmar il-lejl fl-inħawi fejn ma kontx, Bdejt nibla’ t-tfal tal-ħsieb li welledet Rhea U delli sar ċiklopiċi mal-ħajt.   Inkella għad ninbidel f’qaddis ieħor, Il-kejlijiet jinbidlu ta’ kuljum, Ikun aħjar jekk nerġa’ nibda’ nemmen Ukoll fost ħsieb ħażin, jien nemmen fik.   Għax xejn mhu dak hu jew dak li jidher Ilellex ward li mbagħad jurik ix-xewk, Imqar jekk ma nafekx il-bogħod qarribna, Nistħajjlek sirt ukoll jekk ma narakx.   Iltqajna f’dak l-imkien lli qatt ma drajna, Biex nonfħlu l-bżieżaq t’arja b’mod distratt, Fejn l-anġli ma ressqux għax kienu jibżgħu Nikkuntemplaw il-firda qalb iċ-ċpar.   Alfred Grech. 19/05/2021
Read more