Storja Li Nafuha.

 

U baqgħet titmiegħek

u titgħawweġ fuq sodditha

fit-taqliba tal-għajru

li għandha minn tal-epilepsija

Seta’ kien ieħor iż-żmien

meta fit-tellieqa

ma kien hemm ħadd li jgħaddiha

iżda llum tiġi l-ewwel jew ma tiġix

ftit li xejn se jgħallem

l-aqwa li għada tmattar il-ġwienaħ

u tinġarr mal-kurrenti alluċinanti

u l-aqwa li għada titgħawweġ biżżejjed mal buffuri

u tiżbroffa xħin tintlaqat mill-vleġġa

il bqija hi storja li nafuha.

 

Alfred Grech

08/11/2020.

Comments

Post a Comment

Popular posts from this blog

Image
  F’Baħar Miftuħ.   F’baħar miftuħ ninġarru mal-kurrenti U nerġa’ nistaqsik: Minn fejn int ġejja? Bis-seħer nieżel għasel ġewwa sidri, Tifkira ta’ lejl li qatt ma jispiċċa.   U nerġa nistaqsik: Minn fejn int ġejja, Sultana li titfaċċa max-xemx tiela’, Tifkira ta’ lejl li qatt ma jispiċċa F’kunċert ta’ ħsibijiet li jġibek lura.   Sultana li titfaċċa max-xemx tiela’, Fuq xatt ir-ramel aktar mix-xemx jaħraq, F’kunċert ta’ ħsibijiet li jġibek lura, Inwaqqgħu swar li bnejt bit-tentazzjoni.   Fuq xatt ir-ramel aktar mix-xemx jaħraq, Għajnejna jiġġerrew lilhinn mix-xefaq, Inwaqqgħu swar li bnejt bit-tentazzjoni, Għad-dell ta’ xi żebbuġa tmil bit-tqala.   Għajnejna jiġġerrew lilhinn mix-xefaq, Ifittxu qtar in-nida tal-imħabba, Għad-dell ta’ xi żebbuġa tmil bit-tqala, Fejn kellna wileġ sħiħ sabiex noħolmu.   Alfred Grech 05/06/2023    
Read more
Image
  Kardinal.   U tista’ tilbes l-aħmar il-ħin kollu U ma tkun xejn għajr prinċep bħall-oħrajn U tibqa’ għaddej għax taħseb li ħadd bħalek U tinsa l-inti ukoll magħmul mit-tajn.   U tista’ titla’ wkoll fuq il-bradella, U tgħid u tagħmel ħafna għeġubijiet. U tħoll bħal silġa ’l-kull min qed jisimgħek U taf li dan duħħan xħin tkun fis-skiet.   U tista’ tagħmel naqxa bik innifsek U taħseb li b’hekk tkun sirt int qaddis In-nies tgħollik; tintefaħ bik innifsek U ma jkun xejn għajr kobba bit-tqasqis.   Alfred Grech 11/12/2020.
Read more
Image
  Lil Ommi.   U issa mqar jiena nħoss li m’għadnix magħkom M’għadnix hawn Għax qbist in-naħħa l-oħra tax-xmara Fejn ma jimpurtax hekk għada Baqax xi xemx li tista’ titla’ Inkella jekk l-ilwien li konna nżewwqu Tilfux il-lostru tagħhom.   Issa ninsab fis-sotterran tal-griż Fejn la hemm dlam u lanqas dawl Fejn il-biki biss hu t-tnegħida Illi toħroġ mir-ruħ li tibqa’ tnemnem Bħal musbieħ tat-trapasss lejn l- għabex etern. U hekk nista’ nibda ħajja ġdida Minflok l-irxoxt minn bejn l-imwiet. U issa bħal Scrooge Nibda’ nara l-futuribbli.   Alfred Grech 08-08-2022.  
Read more