L-Aħħar Taż-Żminijiet.

 

Issa waslet biex tintemm jekk Alla jrid

Sena oħra li fiha għaddejna

Minn inġazz għal ħafna sħana

M’emminniex imbagħad emminna

Ma bżajniex u bdejna nibżgħu

U mhi xejn jekk mhux mewġ’oħra

Illi fuqha stajna nirlbu

Xħin irkibna waqa’ s-skiet

Is-skiet li jirbombja.

 

U xejn mhu xejn jew dak li hu

Tiskantawx għax din hi Malta

Biex tintiseġ narrattiva

Tas-setgħana li jbeżżgħuna

Bqajna ġewwa għaliex bżajna

Li nittieħdu mbagħad qalulna

Li għal kollox hemm rimedju

Biex għalquna ġewwa djarna

Dal-ħabs ġdid li ħloqna aħna

Sabiex aktar jistgħu jafu

Fejn inkunu jew x’qed nagħmlu

U issa ġejna lanqas nistgħu

Fit-triq ninżlu jew nixirfu

Jekk mhux b’maskra jw tilqima

Ngħidu dak li jkollna f’moħħna

Ħadd ma jista’ jgħolli leħnu

Kulħadd jibża’ jgħolli leħnu

Bqajna hawnhekk bil-bieb imsakkar

Jew bil-maskra mank jingħaraf

Bħal bebbux li jgħix f’qoxortu

Sabiex huma jkunu jistgħu

Jagħmlu dak li jridu.

 

Issa bdejna n-narrattiva

Ta’ x’qed jaħsbu u x’qiegħdin jagħmlu

Tal-iskandli efimerali

Tat-tixħim u n-nepotiżmu

Tentattivi biex tintuża

Jew jinħafru d-dnubiet mejta

Niktbu ktieb sabiex indawwru

Li hu sewwa jew magħruf

Ngħaddu ż-żmien b’kull min qed jisma’

Għax min jisma’ moħħu fqir.

 

Issa ż-żmien tal-ġurnalisti

Li joħorġu minn qoxrithom

Jikfu jdejjhom u jgħidulna

‘l-min iservi u min iħallas

U jixirfu jew jittarfu

Fuq ix-xifer illi jifred

l-attaparsi minn li hu.

 

Dan hu żmien il-kutrumbajsi

Dan hu żmien it-tejatrin

Dan hu żmien il-labirinti

Ejj’nitgeddsu ma xulxin.

 

Alfred Grech.

23/12/2020.