Sorprendenti.

 

Sorprendenti kif il-verita’

ma titkellimx u s-sewwa

joqgħod bħal-kwadru mdendel

mal-ħajt osservatur ħati

ta’ dak i qiegħed jisma’ u qiegħed jara.

 

Jiena li għandi ġilda rqieqa ħafna

u wiċċi bla inforra jistampawni

taħt ir-roblu tal-ħakkiema

u l-vleġeġ tas-seksieka

jinfduni aktar.

 

Sorprendenti l-verita’

u s-sewwa sieket

iżda xħin tiġi wiċċ imb’wiċċ mal-ilma qiegħed

malajr tintebaħ li din mhix  biss

ħolqien tas-sensazjoni

iżda lotta għall-għejxien.

 

Alfred Grech

25/12/2020.