In Kont Tgħidli.

 

Int kont tgħidli li din imħabba

Aktarx biex taħbi s-sens ta’ mistħija li rabbewk fiħ

U jiena kont emmintek

Għaliex inti kont għaliha t-kexkixa ta’ tqanqil ir-ruħ

U ma kont nara xejn ileqq u jixgħel

Għajr il-mixja tiegħek qalb il-kwiekeb

U l-ħlewwa  tal-istednina li kont tfassal

B’idejk miftuħa.

Iżda sal-lum għadni bejn ħaltejn

Jekk hux tassew l-imħabba kienet

Li ġibdittna t-tnejn fiċ-ċirku

Tad-dawra durella bħal meta konna zgħar

U mingħajr ħażen.

 

Alfred Grech

23/03/2021