Jekk Int Skoprejt.

 

Jekk int skoprejt il-Ġnien tal-Għedeen

U lili m’għedtlix bih

Kif trid li nżomm ir-ritmu

U nilħaq pass ir-riħ.

Tgħix għalxejn fit-truf ta’ dan l-ipazju

Bejn dak li taħseb u dak lil tara

Ugħax il-verita imħażża fuq moħħok

U d-dieqa tittradik

Għaliex minn hawnhekk sal-eternita’

Int irbatt il-brejkijiet

Bil-biża’ li tgħix kulljum

Qisu li kull jum ma kienx bħall-ieħor

Jew li sejjra tiltaqa’ ma xi ħaddieħor

Biex tagħmel minn dan ir-rakkont

Xi xeneġġjat

Jekk mill-banda l-oħra

Qed tħoss

Li ħlejt il-ħin kollu tiegħek

Tinsab fl-istess keffa miegħi u

Ma dawk li ma jafux  għaliex qed jgħixu

Għaliex id-dinja saret dak li ħsibna li kienet

Jew dak li xtaqna

Fil-gaġġa tal-irbit u tal-konfini

 li mgħixu fiha.

 

Alfred Grech

10/04/2021

 

 

Comments

Post a Comment

Popular posts from this blog

Image
  F’Baħar Miftuħ.   F’baħar miftuħ ninġarru mal-kurrenti U nerġa’ nistaqsik: Minn fejn int ġejja? Bis-seħer nieżel għasel ġewwa sidri, Tifkira ta’ lejl li qatt ma jispiċċa.   U nerġa nistaqsik: Minn fejn int ġejja, Sultana li titfaċċa max-xemx tiela’, Tifkira ta’ lejl li qatt ma jispiċċa F’kunċert ta’ ħsibijiet li jġibek lura.   Sultana li titfaċċa max-xemx tiela’, Fuq xatt ir-ramel aktar mix-xemx jaħraq, F’kunċert ta’ ħsibijiet li jġibek lura, Inwaqqgħu swar li bnejt bit-tentazzjoni.   Fuq xatt ir-ramel aktar mix-xemx jaħraq, Għajnejna jiġġerrew lilhinn mix-xefaq, Inwaqqgħu swar li bnejt bit-tentazzjoni, Għad-dell ta’ xi żebbuġa tmil bit-tqala.   Għajnejna jiġġerrew lilhinn mix-xefaq, Ifittxu qtar in-nida tal-imħabba, Għad-dell ta’ xi żebbuġa tmil bit-tqala, Fejn kellna wileġ sħiħ sabiex noħolmu.   Alfred Grech 05/06/2023    
Read more
Image
  Poeżija Slam.   Jista’ jkun li ma temminx biżżejjed It-twmmin mhux ħaġa ta’ kuljum Qabża fid-dlam mhux lakemm tagħmilha Imqar jekk taf ittir. Ma temminx biżżejjed fik innifsek Għalhekk minflok torqod u tistrieħ Toqgħod tilgħab il-logħoba Kif ser tidher ma ħaddieħor. Il-kpiepel li tilbes  jiġukx Jjixirqulekx Sakemm ma tibdiex temmen fik innifsek. Jista’ jkun li ma temminx biżżejjed Bżajt tagħmel il-qabża li kien imiss U bqajt imwaħħal fil-grampun ta’ dak li taf U dak lli dejjem jiġri Bżajt tidħol f’dinja ġdida Id-dinja ġdida ma tidħolx għaliha Mill-bieb ewlieni tal-kastell Qagħadt lura u ma għedtx dak li kellek tgħid Għax ma tafdax ilsienek Għax ibnek ma jieħux il-promozzjoni li ħaqqu Għax għada tiġi bżonnhom Ghax qalulek li dak ma jirbaħlu ħadd. Jista’ jkun li ma temminx biżżejjed Għax it-triq tidher twila Għax it-taraġ għoli wisq Għax ikollok tqum filgħodu kmieni Titħasseb, tfassal, tippassiġġa Għax sibtek sewwa fil-bejta Li ssawret u kibret madwarek Imqar jekk il-ħadi...
Read more
Image
  Kardinal.   U tista’ tilbes l-aħmar il-ħin kollu U ma tkun xejn għajr prinċep bħall-oħrajn U tibqa’ għaddej għax taħseb li ħadd bħalek U tinsa l-inti ukoll magħmul mit-tajn.   U tista’ titla’ wkoll fuq il-bradella, U tgħid u tagħmel ħafna għeġubijiet. U tħoll bħal silġa ’l-kull min qed jisimgħek U taf li dan duħħan xħin tkun fis-skiet.   U tista’ tagħmel naqxa bik innifsek U taħseb li b’hekk tkun sirt int qaddis In-nies tgħollik; tintefaħ bik innifsek U ma jkun xejn għajr kobba bit-tqasqis.   Alfred Grech 11/12/2020.
Read more