La Titlaqx.

 

La titlaqx, la tmurx il-bogħod

Għax hemm tarf ma jinqabisx

Tarf mistħajjel, tarf imħażżeż

Hemm preċett ma jinkisirx.

 

La titlaqx, la tmurx il-bogħod

Tħallix ħsiebek jiġri bik,

Jista’ jkun sinjal qed tara

Dak semaforu antik.

 

La titlaqx, la tmurx il-bogħod

Għalkemm dan  l-istess pajjiż,

Għax in-nies m’għadhiex li kienet

Tiftaħx ħalqek bla ma tqis.

 

Issa ntbaħt li xejn mhu xejn,

Kollox jgħaddi bħad-duħħan

Ferrovija tibqa’ għaddejja,

Bla waqfien, mingħajr serħan.

 

Alfred Grech

25/05/2021.