Daqs Tal-Barbaġanni.

 

Daqs tal-barbaġanni tinfed il-ħarsa tagħhom

Twassal fit-tul u tinfed id-dalma tal-lejl.

Daqs l-isqra u l-ajkli jinżlu mill-ogħla tas-smewwiet

B’diffrejhom miftuħa

Biex jaħtfu, jigirfu u jħarrbtu kull roqgħa art li jsibu

Għada mhix żverġnata

U trid jew ma tridx ikollok iċċedilhom

Għax lanqas l-allat t’olimpu

Ixxamplati fil-bereġ tagħhom

Li jilbsu kull xorta ta maskri

Jieħdu kull xorta ta’ għamla

U jiżfnu kull xorta ta’ żifna

Ma jistgħu għallihom.

L-oħrajn bħal grifuni, avultuni tal-prima kwalita’

Jirgħu biss fuq il- karkassi

u l-fdalijiet li jħallu wrajhom dawk li jistgħu kollox.

 

Alfred Grech

23/06/2021.