Jien Ngħanni.

 

Jien ngħanni dak kollu li jiġri fil-ħolqien

Il-ħsejjes li m’għadekx tisma’

Is-skiet li mhuwa imkien

Il-ħarba lura fiż-żmien

U nerġa’ ngħix id-dwejjaq

Li saru malinkonija

Teżor ġdid li ngħożż

Fil-kaxxetta tat-tifkira.

 

Jien ngħanni d-dwejjaq li malajr isiru

Poeżija.

Jien ngħanni u bl-għana tiegħi

Bħal tarbija li tagħmel l-ewwel passi

Niġġerra lejk

Biex taħbini fi ħdanek

Sakemm jixxotta l-baħar

U tnin ix-xemx fid-dija.

 

Alfred Grech

15/06.2021.