Mewt.

Illum erġajt għaddejt bħal riħ

tħakkek minn miegħi

imsaħtni

biex tfakkarni . . .

 

Kif nista’ qatt ninsik

xagħrek imewweġ

u l-libsa bħal bandiera ttir mar-riħ.

 

Jien nibqa’ mperper

u ngħid li ma nafekx

iħaddan ix-xbiegħat tat-tafal

u l-ħolm tal-bieraħ.

 

Fis-skiet u l-ħemda

ta’ lejla bla qamar

int terġa’tiġi biex timbixni

u nibqa’ ma ntirx.

 

B’hekk inġarrab minn qabel

u nista’ nistħajjel kif tkun

it-transizzjoni.

 

Alfred Grech

13/06/2021.