Bħal Ġebla li tifa’ fl-Għadira.

 

L-imwejjeġ li tqanqal ġewwa fija

bħal ġebla li titfa’ fl-għadira

u jien ngħidlek li li nħoss

iżda l-fwieħa li gibt miegħek

immutatni.

 

Għajnejja jixxerdu fuq is-simetrija

ta’ ġismek u nibqa ċċassat

bit-tama li int ma tintebaħx.

 

Qanqalt l-ilmijiet ta’ ħajti

u s-seħer li toħlom u tteni

jifrex il-liżar li fuqhu għad minteddu.

 

Għajnejk jiskattaw ir-ritratti

u xuxtek il-bosk li fih nintilfu.

 

Irrid inġorrok fuq spallejja

bħal kapott u  nxidd

il-bjuda tal-ġilda tiegħek

bħal tibdila għall-okkażżjoni.

 

Imbagħad il-ferħ tagħna jkun is-sies

li fuqu nibnu t-torrijiet

minn fejn noqgħodu nistħajjlu

is-sħab iswed fuq ix-xefaq.

 

Alfred Grech

04/07/2021.