Imqar Jien.

 

Imqar jien ridt ftit tal-ispazju,

Imqar jien ridt nogħla, ntir

Biex nimraħ f’wileġ ġodda

Biex nara n-naħħa oħra tal-qamar

Biex b’hekk nista’ ngħix ħajj’oħra

Ġewwa bużżieqa tal-arja,

Ġewwa sħaba ta’ duħħan.

 

Tkun din ukoll

Oħra minn dawk li jgħaddu

Jew daqqa li tħallik mifluġ.

Hu dan il-biża li tqum bih

Li jgħaddi mal-mogħdija tal-ħin

U jinħall fil-kurrenti ta’ kuljum

Li jagħmlu l-patina ta’ wiċċ il-ħajja.

 

Il-ħolm tinsieħ għax dgħajjef

Iżda qawwietu bħal kurrent tal-qiegħ

Li jqanqal il-wiċċ daħkan ta’ baħar ħiemed

 

Imqar il-ħolm għandu l-ġejjieni tiegħu

U jaħseb fik.

 

Alfred Grech

21/10/2021.