Sensazzjoni. *

 

Bil-griż tista’ toħlom

Jien noħlom ta’ kuljum u nqum imdardar

Lanqas jekk  niġri wara l-bżeżaq

Jew noqgħod intajjar xi tajra tal-karti.

Ġewwa fija baħar imqalleb

U għalhekk fittixt f’għajnejk

Il-lewn li seraqli qalbi

L-ilwien kollha tal-qawsalla

U ma sinthomx

Fittixt f’għajnejn dawk kollha li stajt inħares lejhom,

Xejn ħlief il-baħħ,

Imbagħad ħarist fil-mera

U staqsejt jekk hemmx isbaħ

Minnek f’din is-saltna.

Staqsejt xi  tfisser int mingħajr

Is-sensazzjoni?

 

Alfred Grech

13/10/2021.

 

*B’apoliġija lil Gioele Galea.