Għalxejn Noqgħodu Nħarsu.

 

Għalxejn f’għajnejn xulxin noqgħodu nħarsu

Bla ma ħadd minnha jaf x’bi ħsiebu jagħmel.

Għalxejn inwensu lil xulxin: ħadd minna

Ma jaf għax qiegħed hawn jew liema niċċa

Jimla’, il-pass li jmiss liema naħħa..

Nafu biss li xortina hawn tefgħatna

Jew ġejna hawn frott l-insiġ illi sawwarna.

Imbagħad inwaħħlu għalxejn fl-allat t’olimpu

Jew fil-kwiekeb li taħthom bdejna nterrqu

Bla naċċettaw li din hi ħtija tagħna

U li għalxejn nistaqsu x’-pass se nagħmlu

Dan pass fid-dlam u vjaġġ ta’ min hu mgħammad.

 

Alfred Grech

15/01/2022