Hekk tibda’ tifhem.

 

Irid ikollok it-tqanail ġo fik,

Ġo ruħek maltempata

Biex toħroġ poeżija.

 

Irid ikollok bħar qawwi

Biex tixgħel ix-xintilla

Ta’beraq mingħajr ragħad,

Ta’ dik l-effervexxenza

Li tolqot il-ħaddejn

Mar-raxx ta’ mewġ il-baħar.

 

Ma jiġri xejn jekk f’daqqa waħda

Tintebaħ li kollox ta’ taħt fuq

Li wasal l-aħħar.

Id-daqq tat-trombi

U t-tħxwix tal-ġwienaħ huma biss

ix-xejn li joħloq l-aktar ħwejjeġ strambi.

 

Hekk tibda tifhem is-skiet tiegħi.

 

Alfred Grech

02/03/2022.

Comments

Popular posts from this blog