L-Erbgħa Ta’ Rmied.

 

Aħfrilna Mulej għaliex dnibna

Meta l-ġrajja tad-dinja bil-maqlub intennuha

l-ewwl bil-biża tal-mard infettiv

jew it-tneffiħ tiegħu mill-midja lsira ta’ min irid jaħtaf u jqarraq

u issa mill-passi l-ġodda li mmiddu

fit-telgħa ta kalvarju li jgaddu minnu

dawk li jistkennu mix-xita tal-bombi,

dawk ta’ bla ħtija fl-infern tal-konfini ewropej.

 

Aħfrilna Mulej għaliex dnibna

Sabiex id-dawl jibda jiddi fid-dlam

U d-dinja tradita tgħum fl-irmied tas-saħta tiegħek.

 

Fejn nistgħu insibu xi ftit tal-mistrież?

Fejn nieħdu ftit tan-nifs?

 

Hanwhekk imqar il-kliem jirbombja

Il-ħemda mhix biżżejjed biex issikket

La fuq il-baħar la fl-ajru u lanqas fuq l-art

La fid-deżert u lanqas f’dawk l-inħawi fejn tagħmel ħafna xita.

 

Dawk li jimxu fid-dlam ebda dawl ma jiddilhom.

 

La hemm imkien xieraq u lanqas ħin tajjeb għal-faraġ tagħom

M’hemm ebda ħin ta’ ferħ għal dawk li jgħaddu

Mit-terremot ta’ gwerra li qatt ma kien hemm lokha.

 

Aħfrilna Mulej quddiem dan il-ħolm imfarrak

U d-delużjoni qarsa tal-isfidi li għandna quddiemna

Bil-faqar tal-għodod li għandna biex niġġiledulhom

U nbgħedu dal flaġell, mit-tentazzjoni li nifexxu fil-jien

Ta’ min f’qoxortu jidħol u ma jimpurtaħx aktar

Mit-tbatija ta’ ħaddieħor.

 

Issa nibew ukoll nilgħaqu t-trab tal-art u nindilku

minn rasna sa saqajna bl-irmied quddiem

is-simulakri suġġestivi u surreali.

Jien ukoll irrid nagħmel l-għotja tiegħi tal-fwieħa tal-qronfol

u tal-vanilla li jinħaraq fl-inċensier tad-dittaturi.

Issa wkoll indawwlu l-imħuħ tagħna

Bid-dawl tax-xema fuq il-kandelabra triangulari

Biex infakkru għal darb’oħra il-mewt u l-passjoni

Ta’ dawk li qed imutu bla eda fejda fl-Ukraina.

 

Ma jkunux biżżejjed il-lamentazzjonijiet u l-krib

Ta’ Ġeremija.

 

Alfred Grech

Erbgħa ta’ Rmied

14/04/2022.