Aljenati.

 

Aljenti fuq xarbank li nirkbu ta’ kuljum

Biex b’hekk iż-żmien għaddej

Bla ma nintebħu.

 

Baħar li jegħleb bil-mewġ tiegħu

Kull twemmin

Kull pilastru

U kull irmiġġ li miegħu konna norbtu

l-eżistenza tagħna

biex toħroġ xi tifsira

ta’ dak li nagħmlu jew naraw

iħallu blugħa fil-moħħ u l-qalb

ta’ min tassew irid iqum min nagħas

u jibda’ jaħseb.

 

Qisa partita din fuq art imballta

Bejn id-dilettanti

Nitpaxxew u nistennew

Biex naraw x’ser ikun

Ir-riżultat.

 

Alfred Grech

23/06/2022.

Comments

Post a Comment

Popular posts from this blog

Image
  F’Baħar Miftuħ.   F’baħar miftuħ ninġarru mal-kurrenti U nerġa’ nistaqsik: Minn fejn int ġejja? Bis-seħer nieżel għasel ġewwa sidri, Tifkira ta’ lejl li qatt ma jispiċċa.   U nerġa nistaqsik: Minn fejn int ġejja, Sultana li titfaċċa max-xemx tiela’, Tifkira ta’ lejl li qatt ma jispiċċa F’kunċert ta’ ħsibijiet li jġibek lura.   Sultana li titfaċċa max-xemx tiela’, Fuq xatt ir-ramel aktar mix-xemx jaħraq, F’kunċert ta’ ħsibijiet li jġibek lura, Inwaqqgħu swar li bnejt bit-tentazzjoni.   Fuq xatt ir-ramel aktar mix-xemx jaħraq, Għajnejna jiġġerrew lilhinn mix-xefaq, Inwaqqgħu swar li bnejt bit-tentazzjoni, Għad-dell ta’ xi żebbuġa tmil bit-tqala.   Għajnejna jiġġerrew lilhinn mix-xefaq, Ifittxu qtar in-nida tal-imħabba, Għad-dell ta’ xi żebbuġa tmil bit-tqala, Fejn kellna wileġ sħiħ sabiex noħolmu.   Alfred Grech 05/06/2023    
Read more
Image
  Kardinal.   U tista’ tilbes l-aħmar il-ħin kollu U ma tkun xejn għajr prinċep bħall-oħrajn U tibqa’ għaddej għax taħseb li ħadd bħalek U tinsa l-inti ukoll magħmul mit-tajn.   U tista’ titla’ wkoll fuq il-bradella, U tgħid u tagħmel ħafna għeġubijiet. U tħoll bħal silġa ’l-kull min qed jisimgħek U taf li dan duħħan xħin tkun fis-skiet.   U tista’ tagħmel naqxa bik innifsek U taħseb li b’hekk tkun sirt int qaddis In-nies tgħollik; tintefaħ bik innifsek U ma jkun xejn għajr kobba bit-tqasqis.   Alfred Grech 11/12/2020.
Read more
Image
  X’Qed Infittex Jien.   X’qed infittex jien? Infittex il-ħrejjef li qatt ma smajt Min itennili Dak li għadni qatt ma sibt Infittex dak li qiegħed fija Iżda li baqa’ qatt ma ħareġ Jew jista’ lanqas joħroġ.   X’qed infittex jien? Infittexx il-leħħa ta’ berqa Id-dija ta’ kewkba feġġa Ir-raxx tal-baħar mielaħ fuq ħaddejja Il-lewn ta’ nżul ix-xemx li qatgħet qalbha Minn nies tad-dinja. Infittex lil xi ħadd Xi ħaġa Lili nnifsi.   Inħallik titlaq għal trieqtek Għaliex jekk nimxu ma xulxin Ma nisimgħuħx l-għana tas-sireni U d-daqq tal-qniepen.   Alfred Grec 05 /10/2020
Read more