Kellimni Fuq L-Imħabba.

 

Kellimni fuq l-imħabba

Sabiex tiperswadini

Inneħħi kull ilġiem

Inneħħi l-barrikati.

 

Kellimni fuq il-ħabba

Biex bħalek nibda nemmen

Fl-iħirsa li qatt ma rajt

F’dawk il-waqtiet

Li qatt m’għaddejt minnhom.

 

Kellimni fuq l-imħabba

Ħalli bħalek inrabbi l-ġwienaħ

U t-tnejn li aħna ninqatgħu

Mid-dwejjaq ta’ kuljum

Mill-ħabs li bnejna

U n-nies ta’ din id-dinja.

 

Kellimni fuq l-imħabba

Ħalli ninġarru t-tnejn

Mal-kapriċċi

Fuq baħar ċatt

Taħt qamar kwinta

Imqar jekk in-nemus

Iqattagħna.

 

Alfred Grech

07/07/2022.