Ibħra.

Ibħra kbar hemm jifirduna

xtut li jibqgħu sejrin sal-infinit

deheriet li jinħallu fit-traġedji ta' kuljum

fil-ħsibijiet konfużi

li joħolqu versi mtennija

għax intagħġinna f'lembija differenti

għeruqna f'ħamrija oħra

ma stajniex il bastimenti norbtu

għax l-irmiġġi ma jaqblux 

il-portijiet li minnhom salpajna ma jiltaqgħux

u fil-firmament ta' moħħna

hemm sħab qatt ma jiċċarrat

mhemmx dinja li trid tingħaqad

hemm biss id-dwejjaq 

li tiltaqa' man-nies. 

Alfred Grech

18/10/2022