Nirien Ix-Xemx.

 

Nirien x-xemx jintfew u l-baħar Jiskot

Iħabbat bieb il-blat mingħajr tweġiba

Tkaxkarni lura lejn ix-xtajta tieghek

Bid-dieq ta’ dak li jien ħallejt warajja.

Mal-għabex tibda tixref dinja ġdida

Bħal dik li konna ntennu taħt xi bozza

Kulħadd iħarref, jaqla’ wkoll minn żniedu

Għax l-aqwa li kulħadd kien jgħix bla ħażen.

Ma nbdel xejn minn dak iż-żmien ta’ fidwa

Il-ħrejjef għadna ntennu xorta waħda

U fl-għabex ta’ ħajjitna ngħannu għanja

Li ma  tkunx dik taċ-ċinju f’taf ix-xmara

Iżda l-eloġju għal dil-ħajja sfiga

Li għexna, xempju għal jiġi wara.

 

Alfred Grech.

23/10/2022.