Poeżija Slam.

 

Jista’ jkun li ma temminx biżżejjed

It-twmmin mhux ħaġa ta’ kuljum

Qabża fid-dlam mhux lakemm tagħmilha

Imqar jekk taf ittir.

Ma temminx biżżejjed fik innifsek

Għalhekk minflok torqod u tistrieħ

Toqgħod tilgħab il-logħoba

Kif ser tidher ma ħaddieħor.

Il-kpiepel li tilbes  jiġukx

Jjixirqulekx

Sakemm ma tibdiex temmen fik innifsek.

Jista’ jkun li ma temminx biżżejjed

Bżajt tagħmel il-qabża li kien imiss

U bqajt imwaħħal fil-grampun ta’ dak li taf

U dak lli dejjem jiġri

Bżajt tidħol f’dinja ġdida

Id-dinja ġdida ma tidħolx għaliha

Mill-bieb ewlieni tal-kastell

Qagħadt lura u ma għedtx dak li kellek tgħid

Għax ma tafdax ilsienek

Għax ibnek ma jieħux il-promozzjoni li ħaqqu

Għax għada tiġi bżonnhom

Ghax qalulek li dak ma jirbaħlu ħadd.

Jista’ jkun li ma temminx biżżejjed

Għax it-triq tidher twila

Għax it-taraġ għoli wisq

Għax ikollok tqum filgħodu kmieni

Titħasseb, tfassal, tippassiġġa

Għax sibtek sewwa fil-bejta

Li ssawret u kibret madwarek

Imqar jekk il-ħadid tal-gaġġa

Ifixklek milli tmid il-pass li jmiss

 

U jista jkun li ma temminx biżżejjued

Għax meta emmint intbaħt li daħku bik.

 

Alfred Grech.

25/10/2022.