Fuq l-Ogħla Qċaċet tal-Ġħoljiet.

 

Fuq l-ogħla qċaċet tal-għoljiet

Jinħall is-silġ tad-dehen taħt ir-riflessi spigolużi

Tas-sewwa u dak li huwa ċar aktar mill-qtar tan-nida

U dawk li jaħtfu ħajjet l-oħrajn

Isibu għomorhom qasir wisq

Biex għad xi darba jħallu rima

Minn fejn jgħaddu.

Jien noqgħodawn nixtarr  sbieħ ta’ jum ġdid

Nixxennaq għal dik it-trasparenza

Li tidher fil-ħmura ta’ filgħodu

Inkella fiż-żrieraq tal-ispalel tal-muntanji

Minn fejn tista’ tassew issib in-niżla

Għall- iktar qiegħ abbissali.

Il-ħdura mhi xejn għajr il-leħja

Li titrabba meta wiċċ id-dinja jkun għejja

U xeba’ jisma’ għajdut ta’ gwerer u ġlied

U ma jibqa’ jkollu xejn xi jgħid

Għajr li jimxi mar-ritmi

Tal-istaġuni. Għax il-burraxki tal-qawwiet li jinġemgħu

Qatt ma jaqblu ma xulxin

U jispiċċaw ifarrku kull ma jkunu bnew.Imbagħad bħalma l-għadira siekta u silema trrifletti l-qċaċet bajdan tal-muntanji

Hekk jiena nibda’ nirrifletti lili nnifsi

Fl-ilma car u qiegħed u nkompli bħal qabel

Nistaqsi min jien.

 

Alfred Grech

02/11/2022.

Comments

Post a Comment

Popular posts from this blog

Image
  F’Baħar Miftuħ.   F’baħar miftuħ ninġarru mal-kurrenti U nerġa’ nistaqsik: Minn fejn int ġejja? Bis-seħer nieżel għasel ġewwa sidri, Tifkira ta’ lejl li qatt ma jispiċċa.   U nerġa nistaqsik: Minn fejn int ġejja, Sultana li titfaċċa max-xemx tiela’, Tifkira ta’ lejl li qatt ma jispiċċa F’kunċert ta’ ħsibijiet li jġibek lura.   Sultana li titfaċċa max-xemx tiela’, Fuq xatt ir-ramel aktar mix-xemx jaħraq, F’kunċert ta’ ħsibijiet li jġibek lura, Inwaqqgħu swar li bnejt bit-tentazzjoni.   Fuq xatt ir-ramel aktar mix-xemx jaħraq, Għajnejna jiġġerrew lilhinn mix-xefaq, Inwaqqgħu swar li bnejt bit-tentazzjoni, Għad-dell ta’ xi żebbuġa tmil bit-tqala.   Għajnejna jiġġerrew lilhinn mix-xefaq, Ifittxu qtar in-nida tal-imħabba, Għad-dell ta’ xi żebbuġa tmil bit-tqala, Fejn kellna wileġ sħiħ sabiex noħolmu.   Alfred Grech 05/06/2023    
Read more
Image
  Kardinal.   U tista’ tilbes l-aħmar il-ħin kollu U ma tkun xejn għajr prinċep bħall-oħrajn U tibqa’ għaddej għax taħseb li ħadd bħalek U tinsa l-inti ukoll magħmul mit-tajn.   U tista’ titla’ wkoll fuq il-bradella, U tgħid u tagħmel ħafna għeġubijiet. U tħoll bħal silġa ’l-kull min qed jisimgħek U taf li dan duħħan xħin tkun fis-skiet.   U tista’ tagħmel naqxa bik innifsek U taħseb li b’hekk tkun sirt int qaddis In-nies tgħollik; tintefaħ bik innifsek U ma jkun xejn għajr kobba bit-tqasqis.   Alfred Grech 11/12/2020.
Read more
Image
  Lil Ommi.   U issa mqar jiena nħoss li m’għadnix magħkom M’għadnix hawn Għax qbist in-naħħa l-oħra tax-xmara Fejn ma jimpurtax hekk għada Baqax xi xemx li tista’ titla’ Inkella jekk l-ilwien li konna nżewwqu Tilfux il-lostru tagħhom.   Issa ninsab fis-sotterran tal-griż Fejn la hemm dlam u lanqas dawl Fejn il-biki biss hu t-tnegħida Illi toħroġ mir-ruħ li tibqa’ tnemnem Bħal musbieħ tat-trapasss lejn l- għabex etern. U hekk nista’ nibda ħajja ġdida Minflok l-irxoxt minn bejn l-imwiet. U issa bħal Scrooge Nibda’ nara l-futuribbli.   Alfred Grech 08-08-2022.  
Read more