Insejjaħlek u Ma Tiġix.

 

Insejjaħlek u ma tiġix

Aktarx għaliex il-ħsejjes tal-inġenji

Jitfu l-ħsejjes ta’ mewġ il-baħar

Imellsu għalxejn ir-ramel ta’ xtajta bla tbissima.

Il-mewġ bħan-nifs

Dieħel u ħiereġ

Tiela’ u nieżel

Iżda s-skiet li dejjem xtaqt ma sibtu qatt.

Għax x-ximkien fl-irkejjen ta’ ruħi

ix-xewqa qatt ma taqta’

li mmiss il-ħemda eterna

mingħajr ma nitlef is-sensi.

Il-ħsibijiet bħall-ilma jiskulaw

Tul il-perkors tan-nixxiegħa

U filwaqt li qatt ma rrid nixxierek magħhom

Waqt wara l-ieħor qed nintradan

Taħt is-saffi ta strigrafija ffosilizzata

Fl-istrati ta’ rdum għoli li b’wiċċu minn quddiem

Jisfida ż-żmien u kull ma jiġi.

Ma rridx ninbela fil-vortiċi tal-ħsibijiet

U tqanqiliet li jagħmlu l-għada tiegħi

Bħar-riħ li jgħaddi minn ġo fija bla ma nħossu.

In-nifs jibqa’ tiela’ u nieżel

U jiena il-qaddief jaqdef

U ngawdi dan il-waqt.

 

Alfred Grech

05/11/2022.

 

Comments

Post a Comment

Popular posts from this blog

Image
  F’Baħar Miftuħ.   F’baħar miftuħ ninġarru mal-kurrenti U nerġa’ nistaqsik: Minn fejn int ġejja? Bis-seħer nieżel għasel ġewwa sidri, Tifkira ta’ lejl li qatt ma jispiċċa.   U nerġa nistaqsik: Minn fejn int ġejja, Sultana li titfaċċa max-xemx tiela’, Tifkira ta’ lejl li qatt ma jispiċċa F’kunċert ta’ ħsibijiet li jġibek lura.   Sultana li titfaċċa max-xemx tiela’, Fuq xatt ir-ramel aktar mix-xemx jaħraq, F’kunċert ta’ ħsibijiet li jġibek lura, Inwaqqgħu swar li bnejt bit-tentazzjoni.   Fuq xatt ir-ramel aktar mix-xemx jaħraq, Għajnejna jiġġerrew lilhinn mix-xefaq, Inwaqqgħu swar li bnejt bit-tentazzjoni, Għad-dell ta’ xi żebbuġa tmil bit-tqala.   Għajnejna jiġġerrew lilhinn mix-xefaq, Ifittxu qtar in-nida tal-imħabba, Għad-dell ta’ xi żebbuġa tmil bit-tqala, Fejn kellna wileġ sħiħ sabiex noħolmu.   Alfred Grech 05/06/2023    
Read more
Image
  Kardinal.   U tista’ tilbes l-aħmar il-ħin kollu U ma tkun xejn għajr prinċep bħall-oħrajn U tibqa’ għaddej għax taħseb li ħadd bħalek U tinsa l-inti ukoll magħmul mit-tajn.   U tista’ titla’ wkoll fuq il-bradella, U tgħid u tagħmel ħafna għeġubijiet. U tħoll bħal silġa ’l-kull min qed jisimgħek U taf li dan duħħan xħin tkun fis-skiet.   U tista’ tagħmel naqxa bik innifsek U taħseb li b’hekk tkun sirt int qaddis In-nies tgħollik; tintefaħ bik innifsek U ma jkun xejn għajr kobba bit-tqasqis.   Alfred Grech 11/12/2020.
Read more
Image
  Lil Ommi.   U issa mqar jiena nħoss li m’għadnix magħkom M’għadnix hawn Għax qbist in-naħħa l-oħra tax-xmara Fejn ma jimpurtax hekk għada Baqax xi xemx li tista’ titla’ Inkella jekk l-ilwien li konna nżewwqu Tilfux il-lostru tagħhom.   Issa ninsab fis-sotterran tal-griż Fejn la hemm dlam u lanqas dawl Fejn il-biki biss hu t-tnegħida Illi toħroġ mir-ruħ li tibqa’ tnemnem Bħal musbieħ tat-trapasss lejn l- għabex etern. U hekk nista’ nibda ħajja ġdida Minflok l-irxoxt minn bejn l-imwiet. U issa bħal Scrooge Nibda’ nara l-futuribbli.   Alfred Grech 08-08-2022.  
Read more