180.

 

X’ikun il-waqt li minnu ridna ngħaddu,

Trapass mingħajr taħbit u daqq ta’ trombi,

Kull mewġa li fil-wiċċ sabitna ngħumu

Żammitna aljenati għal kull ħabta,

Ma skoll jew blat li qatt ma stajna nirkbu;

Inkella li wasslitna fuq ix-xtajta

Fejn stajna niġbru lura lilna nfusna

Mill-fdalijiet u l-bċejjeċ tan-nawfraġju.

Fit-tul saquna l-ħalel u l-irwiefen,

Il-qawwa tad-destin u x-xorti kiefra,

U fhimna skond kull wieħed l-għażla tiegħu.

Ħażżiżna wkoll kull waqt li għadda minna

Fiċ-ċpar u fl-umdita’ ta’ għodwa ġdida

Biex dawk li jiġu wara jiftakruna.

 

Alfred Grech

16.07.2023.