Imwejġiet

  Int Mhu Se Tbiddel Xejn.   Int mhu se tbiddel xejn. Xejn mhu se tbiddel , G ħ alxejn inrabbi l- ġ wiena ħ biex ninqata’ Mill-mażri u mill-ktjjen li jankrawna. Fin-nassa  li nsabt int jew li nasbulek Sibt ruħħek komda.U int hemm se tibqa’ Fil-ħabs tad-dellijiet mingħajr ma tħares Imbagħad minn fuq ix-xifer tħares l-isfel. M’hemm xejn hemm biss l-irdum hemm biss l-abbiss. Imbagħad xħin il-fuq tħares hemm is-sema. Iss’sint għidli għalfejn qiegħda ssejjaħli U tokrob bħal qattusa f’nofs ta’ xitwa Jekk inti lil xortik mhux ser tisfida?   Alfred Grech 04.01.2021.

  Lil Robert f’Għeluq Sninu. Stajt kont mexxej qalbieni riekeb karru Stajt kont Ulisse sejjer lura d-dar Stajt kont Akille l-kbir midrub f’għarqubu U saħħtek turi mal-gwerriera l-kbar. Ġejt int ħassieb li tħares lejn ix-xefaq Tistudja, tgħarrex, tgħarbel il-ħolqien Ma ġara xejn jekk sibt lil min ifixklek Min dawn issib imxerrda kullimkien. Tinsiex għażiż li min bid-dmugħ qed jiżra Ser jaħsad l-għada b’qalb mimlija ferħ Min joħroġ mimli dubbji dmugħ u dwejjaq Ser jiġi lura jħaddan żbul is-serħ. Alfred Grech 03/01/2022.

  Jien Kelli X-Xorti   Jien kelli x–xorti mmiss is-sema Għal kemm il-darba, Iżda ma bqajtx hemm fuq Hemm fuq hemm għoli wisq U tara kollox idur bik.   Hemm fuq hu maħluq biss Għall-anġli Il-prediletti tal-allat Iżda jiena bniedem tad-demm u l-laħam Li ġej mir-razza tal-plebei.   Jien kelli x-xorti mmiss is-sema B’idi u bqajt ma sibtx qaddis U qatt ma lbist xi dijadema Jew iddendilt ma xi kewkba tax-xuxa Bħal xi qassis.   Alfred Grech 01/01/2022.

  X’Ser Nagħmlu.   U x’ser nagħmlu b’dan il-griż kollu Ta’ dalgħodu? Ewwilla r-ruħ mhux mill-għajnejn Tindarab u min ifieri l-widna jfieri l-qalb?   X’ser nagħmlu b’dan il-griż dalgħodu, Dal-lejl li ma jrid jgħaddi b’xejn? Did-dalma li ħakmet lill-bnedmin Li bejniethom qed jitħawwdu Li jfittxu li joqtlu lil xulxin U lill-ħolqien madwarhom.   X’ser nagħmlu b’dan il-griż dalgħodu, Issa li l-ħolqien ukoll irvilla U qed inaqqar u jaqleb ta’ taħt fuq Il-ħajja kif nafuha?   Alfred Grech 31/12/2021.

  Lil Sharon.   Setgħet ġara mod ieħor; seta’ sebaħ Jum ġdid dan il-Milied. Iżda Dak li f’idejĦ iwieżen il-pupi Tad-demm u l-laħam u jiġbed l-ispag tal-marjunetti Amar xi ħaġa pħra.   Setgħet inkitbet xort’oħra din in-narrattiva Iżda aħna emminna dejjem Fit-tjubijua tal-univers li mbagħad intbaħna li kien Indifferenti.   U jekk aħna llum imneżża’ Minn kull għata f’xitwa li tmewwet il-ħolqien Kien biss għaliex emminna Li kien hemm baħar jaqsam Bejn it-tajjeb u l-ħażin.   Alfred Grech 30/12/2001

  Apokalissi.   Riefnu ta’ tqanqieliet. Kliem li qatt ma għedtu Ħajja li qatt ma għextha, sensazzjoni Li qatt ma ħassejt. Jista’ jkun li x-xema Taħraq l-arja li minnha trid titniffes Iżda bħat-tifkiriet din skoll ta’ dwejjaq Ta’ ħsibijiet l’ għaddew u xejn ma baqa’ Matul is-solitudni tal-bankini F’ħajja li qatt ma għext jew qatt ma ħlomtha.   U jista’ jkun ukoll li qiegħed nagħmel Ta’ bir-ruħi li qed nifraħ biex nibqa’ Mislub ma l-aħħar tama’ li fadalli Li din ukoll tispiċċa mingħajr sugu U dan biex lili ma nitlifx għal kollox.   Is-skiet imbagħad iġiegħlni l-istennija Ntenni li kulħadd iħoss ġo qalbu Avvent ieħor:   twelid li qatt ma wasal Jew li għadda mingħajr ma biss intbaħna.   Ma nitlifx l-innoċenza tiegħi, iżda Bit-tama xi darba li għad ninbidel Nitwieled għad mill ġdid nirxoxta nerġa’ Nixxotta d-dmugħ, inkella mmut, nispiċċa. . . .   Alfred Grech 30/12/2021.

  Dan Hu Għadd Bil-Maqlub.   Dan hu għadd bil-maqlub Minflok jiżdiedu n-numri jitnaqqsu Għaliex kull waqt, kull pass li tagħmel Jitnaqqas minn dak li jkun għad fadal Għalhekk  din mix xi mixja lejn it-tmiem Iżda vjaġġ ieħor lejn ix-xefaq Jew jekk it-tmiem għad jasal Int lanqas biss tkun taf. Dan hu avvent ta’ Milied li għadu ma wasalx U meta jasal Int lanqas tkun tingħaraf.   26.12.2021