Imwejġiet

  Issa X’Baqa’.   Issa x’baqa’? Ma baqa’ xejn Reġgħu tfaċċaw il-Kimeri Biex ibellgħulna l-ħuxlief tal-miti U l-moħħ jirtira fil-kurituri dojoq Tat-tiġib ta’ kuljum.   Issa x’baqa’ Xħin insejna xhemm barra Il-ħitan mistħajjla Għax drajna mdawewrin bihom U ħadna l-għamla tal-fosdqa Li fisqewna fiha.   Għalxejn idoqqu t-trombi Għax ħadd ma joħroġ Għax ħadd ma jqum Mill-imwirt Min-ngħas alluċinanti Taħ it-tinda Tad-disinformazzjoni.   Il-bieraħ kien hawn id-dawl Kien kollox miftuħ beraħ Illum il-ħabs tal-qawwa moħbija.   Alfred Grech 31/07/2021

    X’Jiġri?   X’jiġri xħin ma nibqgħax Għalik il- Pied Piper ta’ Hamelin U ma nibqgħax inġorr warajja Il-ġrieden kollha Li nfestaw il-Ġnien tal-Għeden.   X’inkun infisser jien għalik Jekk ma nibqgħax nagħmel Is-seħer bħal meta kont noħrġ Il-fenek mil-kappell?   U x’jiġri jekk jiena Ma nibqgħax ngħanni Għax leħen joħroġ fgat U fuq ruħi Taqa’ d-dalma tal-lejl?   X’jiġri xħin ma nibqgħax inżomm Il-bilanċ tal-ekwilibrista li tafni Miexi fuq ħabel issikkat Għax inkun waqajt u sirt mitt biċċa?   Tibqa’ tiġi żżurni?   Alfred Grech 30/07/2021.

  Tirbaħ.   Tirba ħ , tirba ħ, tikkumbatti I ż da mabg ħ ad xi darba Tid i ċċ edi g ħ at toqol ta ż - ż mien.   Ti ġ ri, tirba ħ tikkumbatti, I ż da mbag ħ ad xħ in te ħ el U tħoss li wara kollox int tellief.   Tirbaħ tirbaħ, tirbaħ Kemm se tirbaħ? Jasal żmien li inti ukoll tintebaħ Li wara kollox kien duħħan.   Duħħan il-ħajja Mhux għal jum wieħed tgħix Iżda għal-ħajja eterna Għax lanqas għandek ħajja x’tgħix.   Alfred Grech 29/07/2021.

  L-Għanja.   Meta ma ngħannix Għaliex ir-ruħ tkun mejta U nibda naħseb li lilhinn mill-għanja Hemm dinja tistennieni.   Meta ma ngħannix Inkun waqajt fil-muta Dik il-ħemda primordjali Li la taf lewn u lanqas għamla U nħoss l-uġiħ tat-tmiem li qatt ma jasal Il-ħruq ta’ nar ir-ruħ U t-twerwir tas-solitudni.   U meta naqa’ fil-muta Għaliex ninsa’ Li l-ħajja mhija xejn Jekk mhux l-għanja.   Alfred Grech 28/07/2021.

  Imqar Fil-Ħabs Tal-Ħajja.   Imqar fil-ħabs tal-ħajja Insibu x’nagħmlu Sakemm tinbena l-binja tat-twemmin Li taħtha għad niġġarfu.   Imqar fil-ħabs tal-ħajja Ifittxu l-għaliex Il-ħelsien hu kelma tqila U nfittxu ngħoddu t-toqol tas-sigħat Fid-duħħan tal-ħaxixa Jew fis-sakra ta’ kulma jista’ jaljenana.   Imqar fil-ħabs tal-ħajja Hemm it-tama Li għad xi darba tiftaħ warda.   Imqar fil-ħabs tal-ħajja. . . . .   Alfred Grech 27/07/2021  

  Ma Nagħmlu Xejn.   Ma n agħmlu xejn Noqgħodu hawn Imdendla ma ħajta tal-għanqbuta Bil-biża’ Li jekk inħars l-isfel l-abbiss jiblagħna u hekk ngħid li bħal ħaddieħor qiegħdin ngħixu u hekk sewwa jekk is-sewwa mhux aħjar milli nħars lejn l-iskrin inlaqqt ir-raxx tas-sewwa.   U hekk aħjar mill-baħħ Li ma nafux, ma nagħmlu xejn inħarsu lejn l-iskrin li jittrasmetti s-sewwa noħolmu bħal qattusa l-iċċassata.   Konna ngħixu sakemm kien hemm Min jgħid li jinħtieġna U aħna nintefħu.   Alfred Grech 26/07/2021

  Niġi Nħabbat il-Bieb Tiegħek.   Niġi nħabbat il-bieb tiegħek. Niġi nfittex intix hawn; Jekk inkellmek int tifhimni Għad li l-bogħod f’waqtiet bħal dawn.   Għax int qiegħda x-imkien ieħor jew għax tlift l-identita’, jew għax ħrabt u ma tridx tibqa’ tieħu sehem fl-assurdita’.   Niġi nfittxek u nħabbatlek beraħ ftaħtli wkoll il-bieb Iżda naf li   mhux hawn qiegħda u jġenninni dan il-ħsieb.   Alfred Grech 25.07.2021.

  Għidilhom.   Għidilhom l’huma ħielsa Bl-għażliet li hemm fis-suq, Tintefaħ il-bużżieqa U tibqa’ bla ma dduq.   Għidilhom li fis-sakra Dil-festa ma tieqafx Mingħajr ma qatt tweġibhom Xi ħaġa   li ma tafx.   Għidilhom l’huma bravi U jemmnu kollha fik Fid-dinja tal-fidili Min sejjer imerik?   Għidilhom li m’hawnx bħalhom U kollha josannawk Żebbuġ u palm f’idejhom Ftit ieħor jadurawk.   Urihom kif jitwensu Għad-dell tal-liġijiet Xinuha l-ġid komuni U jemmnu l- ħmerijiet.   Għax hekk biss jista’ jkollok Miġemgħa nies ġwejjdin Werwirhom li ġej l-għadu U żżommhom magħqudin.   Alfred Grech 23/07/2021

  Jien Nista’ Nħares ’l-baħħ f’Wiċċu.   Issa nista’ nħares ’l-baħħ f’wiċċu U lanqas nista’ ngħid li reġa’ bdieli U lanqas nista’ ngħid li ż-żmien inbidel Għax inti għadek hawn.   Ftit kliem int tgħid U tgħid li tħobbni U ta’ kull darba li nċempillek Nisma’ dejjem l-istess   kliem. Issa mqar ħarstek saret bħal ta’ min qed joħlom Inkella miexi fuq il-ponot Ta’ subgħajħ waqt ħmar il-lejl.   Ftit kliem int tgħid U jiena rrid nifhem U jien bħal dak l-għannj ta’ lwien u tal-burdati Li jaqleb qisu xejn minn ton għall-eħor U jaqbez minn fuq pedestall għal fuq l-ieħor. Il-lejla ridt nistiednek biex noħorġu U nġeddu dak iż-żmien li qatt ma kellna U ndommu l-kullana biż-żibeġ tal-waqtiet   In-nar li jħeġġeġ kollox jaħraq Imqar il-ħsibijiet Tal-ħolm dan l-univers Li sibna ruħna fih.   Int mingħalik li tikteb Kliemek fl-arja biex b’hekk Ħadd ma jaqrak, iżda kull pass li tieħu Qed jimmarka fir-ramel ta’...

  Fuq Il-Ponot Tal-Iskolji.   Fuq il-ponot tal-iskolji Qed in ħ ossni i ż olat U hekk ner ġ a’ nibda nemmen Fil-kundanna tal-allat.   U ngħid ħafna kliem u nerġa’ Fuq ix-xifer tal-irdum Jew qurriegħa ta’ xi mewġa Nibqa’ hekk għaddej kuljum.   U jekk nerġa’ ruħi mmattar Fuq ir-ramel taż xi xatt, Dan ifisser l’hawn wasslitni Kull ċaqliqa tal-imbatt.   Imma fl-aħħar niżfen żifna Mal-ħuġġieġa li kebbist Insir fjamma nar il-ħajja  Naħraq dak li kont geddist.   Alfred Grech 22/07/2021

  Vivere.   Vivere in un altro tempo Il tempo che abbiamo vissuto E’ meglio vivere in un mondo che non c’e piu’.   Allora avevamo la carica Di sfidare gli dei e buttarsi in avanti Di scoprire, di lottare, di conoscere   e di non mollare. Adesso tutto questo non c’e’ piu’ Soltanto una voglia di sparire.   Alfred Grech 20/07/2021

  Evanexxenti.   Evanexxenti inti daqs il-fwieħa Ftaħt il-flixkun u qiegħda   kullimkien Mhemm xejn li tista’ tmiss inkella taħfen Ma tħalli xejn bi kwietu jew kif kien.   Evanexxenti inti daqs il-fwieħa Li min mil bogħod tkun taf min huwa ġej; Evanexxenti inti daqs il-fewġa U r-raxx li jaħbat miegħek int u għaddej.   Bħalissa qed ftit fti terdgħali ħajjti Fantażma tax-xewqat u tat-tamiet, Ma jitwemmnux il-ħrejjef li noħolqu Iżd’hawn nistħajjlek nibqa’ jien fis-skiet.   Bħalissa sirt is=seħer biex inderri Iż-żmien immaġinarju fejn intir U noqgħod ninbex, nisgħar jew innkejjel Minn tarf sa tarf l-għeluq ta’ dan l-irtir.   Alfred Grech 17/07/2021

  Għalxejn.   G ħ alxejn ippruvajt na ħ rab Il -ħ lewwa ta ’ kul l waqt Ma kienx hemm fejn tista ħ ba Il- ġ lied kien wisq qalil .   Il-bogħod minn dawn l-inħawi Fejn lanqas titla’ x-xemx Ibiegħu d-dagħa faħxi Għax fidwa għalihom m’hemmx.   Kif nista’ qatt inħalli dix-xibka ta’kuljum jew noħroġ mill-għadira li fiha qed nistagħdar?”   Imqar jekk inrabbi l-ġwienaħ Tal-farfett indur minn warda għall-oħra Inkella ntira bħall-ajkla Nisseqqer fuq l-assurdita’ ta’ taħti.   Jew niġi fl-ermitaġġ miegħek Biex insiru ħaġa waħda Fit-toqol tas-skiet ta’dejjem.   Alfred Grech. 16/07/2021.

  Xi Ħtija Għandna.   Xi ħtija għandna aħna Jekk ilkoll spiċċajna Ġewwa l-gandott imħaffer Bir-roti tal-karrettun Jekk kull filgħodu xħin nistembħu Jilqugħna l-ħsejjes tal-inġenji U dħaħen soffokanti Li joħorġu minn dil-ġungla tal-konkrit Li sibna ruħna fiha?   Xi ħtija għandna aħna Jekk hawn min hu bla moħħ U ma jaħsibx u ma jafx kif jgħolli ftit rasu U jħares ftit laġemba Għajnejn m’għaandux jew lanqas jara?   X’naħtu aħna li dejjem emminna Fl-għerf tal-imgħalmin u fl-għaqal tal-mexxejja li ħallew lil minn wassalna fit-tarf nett tal-preċipizzju?   X’naħtu aħna jekk ħallewhom jiżverġnaw Din l-art ħelwa li tnixxi ħalib u għasel Din l-art għammiela Fejn konna niġġerrrew fil-beraħ Nisimgħu l-għana tal- għasafar u nitgħaxxqu Bil-ward ta’ ġol-widien? Din l-art issa mtiel sa ruħ ommha bil-folol ta’ kull razza U l-Maltin m’għadhomx jingħarfu.   X’naħtu aħna jekk serqulna wkoll is-skiet, Is-skiet ta’ ruħ li tisma’ lilha nfisha.   Xi ħtija għandna aħna U x’għa...

  Mea Tkun Sħana Wisq.   Meta tkun sħana wisq imqar biex taħseb u l-weraq tal-kuruna tar-rand jitbielu qatt ħsibt li tferrixhom madwarek biex juru t-territorju tiegħek safejn jasal?   Meta jasal il-lejl u tħoss it-toqol li ma tafx ta’ xhiex ma tifilħux, qatt ħsibt li tixgħel xema’ u tqiegħda fit-tieqa ta’ kamartek? Għandu mnejn ikun hemm min jitħajjar u   jsib it-triq għal għandek.   Meta jaqgħu il-barrakati u jinfaqgħuu id-digi tal-widien imħabbti tiġi tgeleqel u tfur għal għandek imqar bħal maltempata f’Lulju.   Bħall-għanja li qatt m’ għannejtlek għax qatt ma ġiet il-muża.   Alfred Grech 11.07.2021.    

  Il-Baħar. Il-Baħar bħat-tferfir Li x’minn daqqiet inħossu jrieghedni Ma tafx kemm hu fond Ma tafx menejn hu ġej Il-kurrent tiegħu Tħoss biss it-tqanqil Jekk mhux mit-temp li jbiddel kull filgħodu Jitfaċċa s-sħab u ngħidu tela’ l-ajru. Hemm il-kurrenti tal-qiegħ Li qatt ma taf mnejn jibda’.   Il-baħar bħat-tferfir Li tgħaddi trid minn fuqu Merfugħ minn xi bużżieqa Inkella minn xi mirkeb Bla tmun u mingħajr qlugħ.   Alfred Grech 14/06/2021